Mga himagsikan at EDSA People Power 1

Nakakagulantang ang sunod-sunod na mga rally at pag-aalsang nangyayari ngayon sa Gitnang Silangan. Mula sa pagpapatalsik sa pangulo ng Tunisia-na nagsimula lamang sa pagpapasunog ng sarili ng isang jobless na Tunisian na lumaon ay humantong sa marahahas na demonstrasyon-hanggang sa halos tatlong linggong mga protesta sa Ehipto(na nagpaalis kay Hosni Mubarak, nasundan pa ito ng ilang mag developments ngayong weekend. Habang nagrarally ang mga Shiite na demonstrador sa Manama, Bahrain, kasalukuyang binubuwag ng mga sundalong Libyan ang mga demonstrador sa lungsod ng Benghazi. Balita ko’y may mga demonstrasyon din sa Algeria, Kuwait at Yemen.

Nakakagulantang ang mga pangyayaring ito dahil hindi namang inaasahang mangyayari ang mga demonstrasyong ito na pinagdausan ng mga karaniwang mamamayan. May nabasa akong komentaryo na nagpapahayag na ang mas kinatatakutang snahi ng destabilisasyon sa Middle East ay yaong mga extremist groups paris ng Al Qaeda. At dalawa nang pangulo ang napatalsik. At hindi lamang basta mga pangulo, kung hindi mga lider na matagal nang namuno sa kanilang mga bansa.

Ano naman ang relevance o kahalagahan ng mga pangyayaring ito sa ating bayan? Kung iisipin, nangyayari pa rin ang mga rally na ito samantalang malapit nang ipagdiwang ng Pilipinas ang ika-25 anibersaryo ng EDSA People Power 1. Taliwas naman sa mga “rebolusyon” sa Gitnang Silangan sa ngayon, tahimik at hindi marahas ang People Power Revolution. Gayunman ay napatalsik ang matagal nang namumunong pangulo noon na si Ferdinand Marcos.

Subalit, marami bang nabago bukod sa mga pangalan at pangyayari?

Pag-isipan kaya natin ang mga “pagbabagong” iyon.

Mga Malalaking Pangyayari (Enero-Peb 2011)

Unang dalawang buwan pa lamang ng 2011, pero marami nang nangyayaring malaking events. Noong January 24-28 ay isinagawa ang Quadricentennial Week ng UST, na kung saan pormal na sinimulan ang mga pagdiriwang ng ika-400 na anibersaryo ng Unibersidad. Marami ring nakalaang aktibidades para sa taong ito kaugnay ng Quadricentennial. Samantala, nalalapit na naman ang ika-25 anibersaryo ng People Power Revolution na nagpatalsik kay Ferdinand Marcos at nagpaluklok kay Cory Aquino. Malamang ay may grandeng pagdiriwang rito, pero dapat okasyon din ang anibersaryo kung tunay na nga bang nagkaroon ng pagbabago sa ating lipunan. Ginulantang naman ang tila ordinaryong umaga kanina ng balitang nagbaril sa sarili si Angelo Reyes, ang dating kalihim ng Energy at AFP Chief of Staff. Nangyari ito matapos siyang maisangkot sa kontrobersya hinggil sa katiwalian sa Hukbong Sandatahan.

Kailangan pa nating magmatyag.

Filler

tila mahirap magpost ng blog sa panahon ngayong abala sa maraming gawain at maraping iniisip na abalahin. isang bisyo na ito mangyaring kailangang magsulat upang maghanap buhay at umangat ang kalagayan sa buhay. Kung sakali mang may panahong wala akong ginagawa, ang isip ko’y napapagal sa nagdaang araw na tila’y linggo kung dumalaw. Kaya’t  hanggang dito na lamang muna ang post na ito.