“Mene Mene Tekel Phares”

Itinatanghal sa ilang mga pader tuwing umaga
Sa sinumang nagdaraan ang samu’t saring
Mga guhit, linya, pangalan, símbolo o dibuhong
Waring walang kahulugan.
(O walang kahulugan ayon sa ating mga
Nandarayuhang mata?)
Maaaring ang mga ito ay pangalan ng isang gang,
O hindi kaya’y panambitan ng isang binata
Para sa kanyang nililigawang pansinin naman
Ang kanyang pagsamo sa pag-ibig?
Pupuwede rin na babala ito ng isang grupo
Sa mga “taga-labas,”
Na huwag silang umasta na parang kung sino
Sa kanilang teritoryo at umayos sila ng kinikilos,
At kung anu-ano pang mga hakang pilit gumuguhit
Ng gatla sa ating bagong-sariwang malay.
Pero ano nga ba ang mapapala natin kung ating mawawari
Na ang mga iginuhit na larawan
Ay sa dragon demonyo o hindi kaya ay titik ‘D”
O kung ano pang mga hindi pa mabatid na imahe ng mga obrang
Nagkakaroon lamang ng hugis
Sa sementadong kambas tuwing hatinggabi?
(Gumagana lang ba sa ganitong oras
Ang kanilang malikot na pag-iisip?)
Sa halip, mas tumitiim sa ating haraya
Ang mga hulagway
Ng mukha ng iyong nagngangalit mong boss
Dahil late ka na naman sa pagpasok sa opisina,
O ng girlfriend mong nagsisimangot
Dahil hindi ka lang nakakapagtext sa kanya gabi-gabi
O ang palaisipan kung sino ang mas maganda
kina Angel Locsin o Marian Rivera.
Hanggang sa tuluyan na nating pahiran ang ating malay
Ng maputing pintura ng paglimot
Ang mga larawan ng  samu’t saring mga guhit, linya, símbolo o dibuhong
Tuwing umaga ay itinatanghal sa atin ng ilang mga pader.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s