Panaginip

Sa kaniyang guniguni: Nagsusulat na siya ng balita sa isang pahayagan. Pumaroo’t pumarito na ang kaniyang mga paa sa mga press conference, dala-dala niya’y notbuk, bolpen, laptop at katanungan.

Sa kaniyang guniguni: Bumabaon sa utak niya ang matatalim na titig ng orasan at ang matalas na batas ng kaniyang bossing: Huwag na huwag kang magpapalate sa pagsubmit ng mga balita mo.

Sa kaniyang guni-guni: gumigising siya matapos ang limang oras na pagtulog makapunta lang sa isang coverage. Hinahabol ng kaniyang mga tainga at daliri ang bawat salitang masasagap. Kasimpagal na ng kaniyang utak ang mga paang buong araw na palakad-lakad sa mga opisina’t bulwagan. Gayunman, ikinalulugod ng puso niya ang trabahong ito kahit manipis pa rin ang kaniyang bulsa. Natupad na ang aking ginugustong trabaho.

Subalit nababasag ang pagmimithing ito ng pag-aalalang mabagal humalik sa tiklada ang kaniyang mga daliri, mapagbulay ang kaniyang isipan at balat-sibuyas na damdamin sa mga taong “may-dating.”

Kaya limang beses sa isang linggo, gumigising siya tuwing hapon, magbibihis at mag-aayos, upang muling harapin ang tinanggap na tungkuling makinig sa mga mainipin at naiinis na tinig mula sa ibayong dagat at oras habang binebenta ang inilalakong produkto ng kaniyang kumpaniya.

Balang araw makakapagsulat din ako….

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s